विश्वव्यापी जनगणा

विश्वव्यापी जनगणा विश्वव्यापी जनगणा
तुज करूनी वंदना
गातो शाहिरी कवना
चाल तमाशा नमूनी आरंभिला जी
करू आम्ही सेवा हो करू आम्ही सेवा
आशीर्वाद द्यावे आम्हाला दाजी, दाजी हे...
ज्याने केली तुझी भक्ती, ज्याने केली तुझी भक्ती
झाली अजरामर कीर्ती, राजा शिव छत्रपती
टिळक, महात्मा फुले ज्योती, आंबेडकर आले उदयाला जी
उदयाला हो आले उदयाला, पारतंत्र्य गेले विलयालाग्नदाजी, दाजी हे...
आम्ही कलेचे हो दास, आम्ही कलेचे हो दास
साधू देशाचा विकास, करू अज्ञानाचा नाश
हीच मनी घेतो आस, वाहूनी कला कार्याला जी
अण्णाभाऊ साठे हो बापूराव साठे भूषवी लोकनाटयाला दाजी, दाजी हे...

• शाहीर अण्णाभाऊ साठे