पिक्चरला चल गं रंगू

तो: पिक्चरला चल गं रंगू रंग दाखवतो
रंग दाखवतो गं तुला ढंग दाखवतो
एका एका ॲक्टरचा डिस्को दाखवतो
डिस्को दाखवतो गं तुला डान्स दाखवतो
तो: आमिताभ बच्चन माझा लाडका गं हिरो
पडद्यावर म्हणतो कसा मारो तोडो मारो
वीस पंचवीस गुंडांची चटणी बनवतो
तीन तास स्वत:ला मी हिरोच समजतो
ती: पडद्यावरचा आमिताभ झोपड्यात आला
गल्लीतल्या पोरांसंग राडाच झाला
शेजारचा बाळ्या कसा रट्टा लावतो
आमिताभ बच्चनला हनुमान बनवतो
तो: पडद्यावरची हिरॉईन बागेत भेटते
काश्मिरात नटते ती गोव्यात थटते
वरळीच्या सीफेसवर उड्या मारते
एकाच गाण्यामधी होल इंडिया घ्ñुमवते
ती: पिक्चरची हिरॉईन महालाची राणी
येते का भरायला नदीवर पाणी
लाडाला आला माझा नवरोबा पांड्या
दिमागात भरल्या याच्या चार किलो भेंड्या
कुबेरांची सुखदु:ख कुबेरांची गाणी
सांग कधी दाखवली का आपुली कहाणी
त्यांची दुनिया वेगळी रं आपली दुनिया वेगळी
नाही कळली तुला माझी प्रीत आगळी
तो: काय बघा पदरात पडलीया बायकू
रोज उठून सांगा हिचं ग्यान किती ऐकू
पगाराचा दिवस म्हनलं मारू थोडी मज्जा
तू होशील राणी मी होईन तुझा राजा
चल गं रंगू बाल्कनीची टिकटं काढतो
इंटरवल झाल्यावरं वडा चारतो
ती: तुझा काही दोष नाही कसलाच राया
डोक्यातं भूतं तुझ्या सिनेमाची माया
होऊ नये जाण तुला तुझ्या गरिबीची
मालदारांनी काढली आयडिया टी.व्ही. सिनेमाची
झोपड्यात आपल्या कुणी अंधार माजवला
सांग कुणी विचाराचा दिवा विझवला
तो: चल चल ती: नको रे नको
तो: चल चल ती: नको रे नको...

• संभाजी भगत