उचला पुढारी

तुझ्या सत्तेला, सुरुंग मी लावणार माझ्या दिल्लीच्या, दिल्लीच्या कारभाऱ्या
माझ्या म्हंमयच्या, म्हंमयच्या कारभाऱ्या
तुझ्या नावाचा, उद्ध्दार मांडीला
तुला शंभरदा, निरोप धाडीला
का रं भुललासी, भुललासी इमल्याला
गेला इसरून, इसरून झोपडयांना
रूप दावून सत्ता केली, स्वारी पुढाऱ्याची येडी झाली
अन् सत्ताबाईचं याड लागलं, पुढारी अस्सं पुढारी
कोरस: येळकोट येळकोट उचला पुढारी
मतदानाच्या, दानाच्या टायमाला
होतो हाजीर, हाजीर भाषणाला
काय तोऱ्यात, तोऱ्यात बोलिला
तुझ्या निशाणीवर, शिक्का म्या मारिला
तुझा दिल्लीत, दरबार भरविला
तुझा म्हंमयत, दरबार भरविला
गाडी बसायला तुला मिळाली, तुला व्हिस्कीची नशा रं चढली
अन् सावकाराशी दोस्ती जडली, पुढारी अस्सं पुढारी
कोरस: येळकोट येळकोट उचला पुढारी
काय रुबाब, रुबाब वर्णावा
इस्त्री कडक, कडक झब्याला
गांधी टोपी रं, टोपी ही डोक्याला
जातो हॉटेलात, हॉटेलात पार्टीला
तुझ्या दारात, पाऊस पैक्याचा
ऐतं खाऊन, पोलीस पाहऱ्याला
तुझ्या पोलिसांना मस्ती जडली, त्यांनी गरिबांची घरं मोडली
अन् मोकळ सोडलं कुत्र्यांना अस्सं, पुढारी अस्सं पुढारी
कोरस: येळकोट येळकोट उचला पुढारी
तुझ्या पाहून, पाहून ढेरीला
आमची पोट रं, पोटं खपाटीला
कसं पाठवू रं, पोराला साळला
पोर जातो रं, गुरं राखायला
तुझा पोर पुढारी झाला, माझा पोर गुराखीच राह्यला
अन् लोकशाही का ठोकशाही ही, पुढारी अस्सं पुढारी
कोरस: येळकोट येळकोट उचला पुढारी
येळकोट येळकोट आपटा पुढारी
आता वैताग, वैताग भाषणांचा
निस्ता पाऊस, पोकळ वचनांचा

तुझ्या भावबंदाना, तुरुंगात मी धाडणार
जागर समतेचा, समतेचा घालणार
समतेचा जागर मांड़िला, जागराला या या
कष्टकऱ्यांनो, शेतकऱ्यांनो, जागराला या या
या गावामधल्या भावाबहिणींनो, जागराला या या
शाळेमधल्या पोराबाळांनो, जागराला या या
जागराला याऽऽ, तुम्ही जागराला या याऽऽ
समतेचा जागर मांडिला, जागराला या या
विषमतेचा तुरुंग फोडून, जागराला या या
विज्ञानाचा जागर मांडिला, जागराला या या
अंधश्रध्देचा तुरुंग फोडून, जागराला या या
जागराला याऽऽ तुम्ही जागराला या या