चल ग हिरा चल ग मीरा

चल ग हिरा चल ग मीरा चल ग बायजाबाई
मागं काही नाही आता तट़ून उभी राही, तट़ून उभी राही
दोन प्रहरचा दिवस आला, अन्यायाचा कळस झाला
पुरुषांच्या राज्यामध्ये बाई समान नाही, मागं काही नाही...
घरकामाचा बोजा आधी, मग मजुरी मळ्यामधी
तान्ह्या पोरा पाहायला माझं कुणी नाही, मागं काही नाही...
सावकाराचा तरास लई, दादला आधी बाटली पाही
समदा न्याय करायाला कंबर कसून राही, मागं काही नाही...
सहकारी साखर शेती, त्यातून दारू तयार होई
समाजाला गुंगी आली धर्माकर्मापायी, मागं काही नाही...
शिवारांत भुकी शेतं, नदीमधी पाणी कुठं
दुष्काळाचा फेरा आता सोसायाचा नाही, मागं काही नाही...
अर्धा दिवस कामाविना, वणवणतो उन्हातान्हा
बायापुरुष बेकार आता राहायचं नाही, मागं काही नाही...

• माधव चव्हाण

ही आग चहु बाजूनं हो लागली संसारा
सवालाचा जबाब दे रं देशाच्या सरकारा

रात्रंदिसं राबून आम्ही झोपतो उपाशी
आईतखाऊ हा तिकडं फिरतो परदेशी
अडाणीला मलिदा आणि जनतेला धतुराचा
सवालाचा जबाब देर भाजपा सरकारा

सोन्याची किंमत आली गोड्या र तेलाला
महागाईने कहर केला जनतेच्या खिशाला
घासलेटावाचून अंधार सोईरा
सवालाचा जबाब देर भाजपा सरकारा

रात्रंदिस राबून, आम्ही झोपतो उपाशी
आईतखाऊ हा तिकडं, जेवतो तुपाशी
चोराला मलिदा, अन् धन्याला धतुरा,
सवालाचा जबाब देर भाजपा सरकारा