संघटनेची ढाल एकीची तलवार

संघटनेची ढाल एकीची तलवार हाती आमच्या आता हाय गं
कोरस : हाय गं, हाती आमच्या आता हाय गं
आम्ही कोणाला डरणार न्हाय गं, न्हाय गं
कोणाला डरणार न्हाय गं
धर्म आणि रूढी यांचा कोट त्यांनी बांधलाय
कोरस : बांधू द्या
गुलामगिरीचं जाळं त्यांनी टाकलंय
कोरस : टाकू द्या
बेगडी मुखवटयांना आता आम्ही फसणार न्हाय गं
कोरस : न्हाय गं, आम्ही फसणार न्हाय गं, आम्ही कोणाला डरणार न्हाय गं...
प्रेम, सेवा, त्याग यांची मूर्ती करून ते देव्हाऱ्यात ठेवती
कोरस : ठेवू द्या
दासी बटीक करून पायाखाली आम्हा तुडवती
कोरस : तुडवू द्या
आमचं माणूसपण सांगायला आता आम्ही जाणार हाय गं
कोरस : हाय गं, आता आम्ही जाणार न्हाय गं, आम्ही कोणाला डरणार न्हाय गं...
राबणाऱ्याचं गोत आम्ही लावणार
कोरस : आम्ही लावणार
श्रमिकांशी नातं आम्ही सांगणार
कोरस : आम्ही सांगणार
श्रमिकांच्या घालून हातात हात पुढंच जाणार हाय गं
कोरस : हाय गं, पुढंच जाणार हाय गं, आम्ही कोणाला डरणार न्हाय गं...
निर्मला साठे