भिरुबाचं चांग भलं

भिरुबाचं चांग भलं
अहो याला पान लागलं
येरळा नदीच्या काठाला, माझ्या बांधाच्या कडंला
अहो याला पान लागलं
अहो हिरवं होतं, का काळं होतं
काळं होतं, का तांबडं होतं
नाही नाही नाही पण लांबड होत
याच्या पायाला चावलं, अहो याला पान लागलं
पाजून लिंबाचा पाला, खेट देवाला मिरवीत घाला
पान झटपट उतरतं, अहो याला पान लागलं
तो भीतीने अर्धा मेला, खेट घालून गारठून गेला
हकनाक फुकट मेलं, अहो याला पान लागलं
दहामधी चार विषारी जाती, देव म्हणून पान उतरती
डागदरकडं जे घेऊन जाती ते अहो जीवे वाचती
भगताचं नाही खरं, देवाचं नाही खरं
म्हणू नका चांग भलं, म्हणू नका चांग भलं

• शशिकांत जाधव