जंगल जळे, होळी खेळे
jamgala jale, holi khele jamgala jale, holi khele jaMgala jaLe, hoLI kheLe | जंगल जळे, होळी खेळे
जंगल जळे, होळी खेळे, मालदाराची पोरे बाळे
हिव्र्या रानाची, झाली तोडणी, ठेकेदाराघरी हत्ती झुले, जंगल जळे...
हिव्र्या रानाचा, श्वास कोंडतो, वाढती शहरे, धरणे, कारखाने
जंगलचा राजा, आदिवासी तो, उखडली त्याची पाळेमुळे, जंगल जळे...
चूल पेटते झाडोऱ्यावरी, गरिबाला हातकडी मिळे
ठेकेदार नेई जंगल चोरुनी, आधिकाऱ्या चिरीमिरी मिळे
जागे व्हा! जागे व्हा! जागे व्हा, जागे व्हा, रान वाचवा
हिव्र्या रानाचा जीव वाचवा
शेत फुलते, भूमी हासते, उभे पाठीशी जंगल जिथे
हिव्र्या रानाचा यजमानपणा, मेघराज येई पाहुणा तिथे, जंगल जळे...
तहानल्या भूमीला धाप लागते, पोटात तिच्या ना पाणी ठरते
रोडावे नदी, झरे आटती, छत डोईवर झाडं नाही ते
हिव्र्या रानाचा यजमानपणा, मेघराज येई पाहुणा तिथे, जंगल जळे...
जंगलचा ठेवा लुट़ून नेला, स्वार्थी धनिकांनी पैसा हो केला
दुष्काळ आमच्या पाठी लागला, वाळवंट आले गिळावयाला, जंगल जळे...
विज्ञान रोप ना लागले दारी, फळे गोमटी आम्ही भार वाही
इवलेसे रोप, लावा हो दारी, त्याचा वेलु जाय गगनावरी
जागे व्हा! जागे व्हा! जागे व्हा...
