महाराष्ट्राच्या शूरविरांनो

या देशासाठी रणभूमीवर प्राण जयांनी वाहिला
महाराष्ट्राच्या शूरविरांनो तुम्हालाच पहिला, हा घ्या मानाचा मुजरा
भरे कापरे शत्रू हादरे, धाक असे शिवरायांचा
तसेच बाजी वीर तानाजी, धनाजी अन संताजीचा
त्या शूरविरांनी झेंडा तयांनी, अटकेपार रोविला, महाराष्ट्राच्या...
जिवात जीव असेतो लढली, मर्दानी झाशीवाली
वासुदेव अन् मंगल पांडे, यांनी प्राणाची आहूती दिली
देशासाठी तात्या टोपेंनी, फास गळा अडकाविला, महाराष्ट्राच्या...
मधु चौधरीच्या डोक्याचे, रजरज केले मेंदूचे
मोटारीसह ओढीत नेले, प्रेत रामगिरी साधूचे
हिरवे गुरुजी, नथू कांबळे, यांनी प्राणदंड साहीला, महाराष्ट्राच्या...
इंग्रजांशी हक्कासाठी, अनंत कान्हेरे लढला
तो दामोदर, हरी चाफेकर, हाय मृत्यूमुखी पडला
चिरडला गेला बाबू गेनू, उभा रक्ताने वाहीला, महाराष्ट्राच्या...
घाडीगावकर, बंडू गोखले, मुंबईसाठी बळी पडले
गोलतकर अन् शरदवाणी हे, बालवीर ही रणी पडले
कवन करुनी जगदीशाने मुजरा तयांना वाहीला, महाराष्ट्राच्या...