सुटला वादळी वारा, वल्हव जोमानं मारा
sutala vadali vara, valhava jomanam mara sutala vadali vara, valhava jomanam mara suTalA vAdaLI vArA, valhava jomAnaM mArA | सुटला वादळी वारा, वल्हव जोमानं मारा
सुटला वादळी वारा, वल्हव जोमानं मारा
चला गाठू किनारा, गाठू किनारा, गाठू किनारा रे
उजविला महागाई, बेकारी खडक, बसल धडक
हेरून ठेव हा माराया धडक, फोडाया खडक
निकडंवि पाऊस नि गारा, जनु मशीनगनचाच मारा, चला गाठू किनारा...
मोठया मोठया लाटांची भिती कुनाला आम्हाला कोल्याला
छातीवर नाचाया जल्याला आला, भेतोय कां त्याला
डोंगूर लाटांचा समुरनं आला, तुडवून त्येला
एकीचा करून पुकारा, वल्हं डावीला नेटान मारा, चला गाठू किनारा...
किनारा गाठूच घाई नको रं, धीरान घ्या रं
दर्यात हिंमतीनं डोली टाका रं, म्हावर धरा रं
म्हावऱ्यासाठी नाव लोटलिया ना रं, काळाच्या म्होरं
मग काळावरी चाल करा अन भरभर म्हावरंबी धरा, चला गाठू किनारा...
म्हावऱ्याइना कोली जगनार नाई, इलाज नाई
कसला किनारा रं पोटात नाई, करू लढाई
आपल्यातनं पडत्याल लढताना काई, पर्वाबी नाई
झेंडा रक्ताच्या त्येचाच उभारा
शीड त्येस्नीच समरुन हाकारा
मग तुफान लाटा नि गारा
त्याचं आपसुक होत्याल निवारा झुंजू गाठू किनारा रे, चला गाठू किनारा...
- शाहीर अमर शेख
