बिजली नाचेल गगनात

बिजली नाचेल गगनात, वादळ होईल जोसात
जंगल जळेल वणव्यात, मंगल होईल देशात
बिजली कडाड गर्जेल, पाऊस धडाड येईल
पाणी चढेल शहरात, पाणी जिरेल शेतात
बिजली वरून कोसळते, सावध हवेली ढासळते
जाईल हवेली मातीत, घरटं राहील शाबूत
बिजली कुणाला जाळील, बिजली कुणाला उजवील
बिजली येईल अवचीत, न्याय करील जगतात
बिजली कुठून येईल, वादळ कुठून होईल
शेतकंऱ्यांच्या शेतामधुनी, औतं फिरती, जमीन खणती
लाख ऐरणी घण खणखणती, घरात घरघर जाती फिरतीग्न
भिंती लिंपिती, मळे शिंपिती, विळे चालती, विटा भाजती
पाठीवरुनी पाट वाहती, कैक करवती कुरकुर करती
मडकी घडती, चिखल तुडविती, कोणी विणती सारे कण्हतीग्न
या औतातून, हातोडयातून, या जात्यातून या पात्यातून
या भात्यातून, या दात्यांतून, या कामातून या घामातून
या भात्यातून, या दात्यांतून, या कामातून या घामातून
या अश्रूंतून या अग्नीतून
ठिणगी फुटेल जोसात, येईल विजेच्या वेषात
बिजली नाचेल गगनात, वादळ होईल जोसात

• वसंत बापट